അല്ല കൂട്ടരേ, ആങ്കാരന്നല്ലാണ്ട് എന്താ ഇതിനൊക്കെ പറയ്യാ... ദുഫായീല് ബൂലോഗമ്മാര് രണ്ടാമത്തെ പ്രാവശീം സമ്മേളനം കൂട്വാത്രേ... ഞമ്മളെപ്പോലെ ഓരോ പാവങ്ങള് ഈ ദുനിയാവില് ബെള്ളിയാഴ്ചപോലും പൊറത്ത് ഏറങ്ങാണ്ട് പെരെന്റുള്ളിത്തന്നെ കുത്തിരിക്കുമ്പോ ഇങ്ങള് പിന്നേം പിന്നേം സമ്മേളനം കൂട്വാ..? ഞമ്മക്കിതത്ര പിടിക്കണില്ല പുള്ളെ... അല്ലെങ്കി ബേണ്ട... ഇങ്ങള് സമ്മേളനം നടത്തീ... ഞമ്മക്കും കൂടി ഒരു ബിസ അയച്ചുതരീന്ന്. ഞമ്മളുംകൂടി കാണട്ടേന്നു ഇങ്ങള് നടത്തണ പുകില്.
ഈ ബാര്‍ത്ത കേട്ടപ്പം മൊതല് ഞമ്മള മനസ്സില് ചെല സംശീങ്ങള് ബരാന്‍ തോടങ്ങ്യെതാണ്. ഇങ്ങള ഈ പരിപാടി ശരിക്കും നടക്ക്വോ..? ഇങ്ങള് ഈ തീവ്രവാദികളെല്ലാംകൂടി അവിടുത്തെ പൂന്തോട്ടത്തില്‍ കേറാന്‍ ആടുത്തെ പോലീസ്സാര് സമ്മയിക്കോ...? എല്ലാത്തിനീംകൂടി തൂക്കി അകത്തക്കൂല്ലേന്ന്...? അത് തന്ന്യേല്ലാ ഇപ്പൊ ആടെ രണ്ടാമതും സാമ്പത്തികമാന്ദ്യംകൊണ്ട് പൊറുതിമുട്ടീട്ടു എല്ലാരും ബേജാറായിട്ടിരിക്കുമ്പം ഇങ്ങളെങ്ങനിയാ പഹയമ്മാരെ പാര്കില്കേറി ബിരിയാണി ബയ്ക്ക്വാ? സര്ക്കാര് പോലും ബെറും കുബ്ബുസല്ലേ കയിക്കണേ...?
എന്തായാലും ഇങ്ങള ഈ പരിപാടിക്ക് നല്ല പബ്ലിക്കിറ്റി ആണല്ലോ മക്കളെ... നാട്ടില്‍ ഈയിടക്ക് ഒരു ചങ്ങല പരിപാടി നടന്നൂന്നു കേട്ടല്ലോ.... അതിനെക്കാളും ബലിയ സംഭവം ആവ്വോ ചങ്ങായിമാരെ...? ചാനലുകളൊക്കെ ലൈവ് പിടിക്കാന്‍ നടക്കണൂന്നാണല്ലോ കേക്കണേ. ഇങ്ങളൊക്കെ ആടെ ശരിക്കും മേളിക്കുന്ബം എല്ലാരടേം കൂടി ഒരു ഫോട്ടോ പടം പിടിച്ചു എല്ലാര്ക്കും അയച്ചുതരീന്നു. മ്മളും കാണട്ടേ ആരൊക്കെയാണ് ആളുകളെന്നു. ഓരോര്ത്തരുടെം പേര് വെക്കാന്‍ മറക്കണ്ടാട്ടോ. ഈടെ സൌദീലും ഇണ്ട്‌ കൊറേ എയ്തുകാര്. പക്കേങ്കി ഇവ്ട പാര്‍ക്കിലോന്നും കൂടാന്‍ പറ്റൂല്ലാന്ന്. ബ്ടെത്തെ കാനൂനെല്ലാം ഇമ്മ്ണി കട്ടിയാണെന്ന് ഇങ്ങക്കും അറിയാല്ലോ. ന്നാലും ഞാളും നോക്കണണ്ട് ഇബടേം എന്തേലും തട്ടികൂട്ടാന്‍ പറ്റ്വോന്ന്.
നേതാക്കന്മാരോട് ഒരു അപേക്ഷേംകൂടീണ്ട്. എടക്കൊക്കെ ഇമ്മാതിരി ഓരോ പരിപാടികള് തട്ടിക്കൂട്ടണേ. ബയസ്സാംകാലത്ത് നമ്മള് ഗള്‍ഫുകാര്ക്ക് ഓര്‍ക്കാന്‍ ഇതൊക്കെ തന്നേ
ബാക്കീണ്ടാവൂ.. പടച്ചോന്റെ കൃപകൊണ്ട് എല്ലാം ബിശാരിച്ചപോലെ തന്നെ നടക്കട്ടെ.
വെണ്ണിയോടന്‍
No comments:
Post a Comment